21ویں ایشین انفرادی  سکوائش چیمپئن شپ 

اسلام آباد(آئی این پی)21ویں ایشین انفرادی سکوائش چیمپئن شپ میں شرکت کے لیے ہانگ کانگ، کویت، ملائیشیا، قطر اورسری لنکا کے کھلاڑی اسلام آباد پہنچ گئے ہیں۔ پاکستان سکوائش فیڈریشن (پی ایس ایف)نے چیمپئن شپ برائے مینز اور ویمنز کے انتظامات کو حتمی شکل دے دی ہے۔ چیمپئن شپ کل بدھ سے مصحف سکوائش کمپلیکس اسلام آباد میں شروع ہوگی جو 19دسمبر تک جاری رہے گی۔پاکستان سکوائش فیڈریشن کی جانب سے جاری تفصیلات کے مطابق مردوں کے ایونٹ میں 32کھلاڑیوں کا ڈرا ہوگا جبکہ خواتین ایونٹ میں 16کھلاڑیوں کا ڈرا ہوگا۔ ایونٹ میں پاکستان کے ٹاپ رینکنگ کھلاڑیوں سمیت ہانگ کانگ ، کویت ، ملائیشیا ، قطر اورسری لنکا کے کھلاڑی دونوں ایونٹس میں شرکت کریں گے۔
سکوائش چیمپئن شپ