لاہور(نامہ نگار) بادامی باغ لینٹر کھوکھر روڈ پرزیر تعمیرمکان کا لینٹر گرنے سے ملبے تلے دب کر32 سالہ نامعلوم مزدورجاں بحق جبکہ دوسرا مزدور لطیف شدید زخمی ہو گیا ہے۔ دونوں مزدوروں کو لاری اڈا سے کام کیلئے لایا گیا تھا۔اطلاع ملنے پر پولیس نے موقع پر پہنچ کر نعش قبضے میں لے کر پوسٹ مارٹم کیلئے مردہ خانے جمع کرا کر ورثاء کی تلاش شروع کر دی ہے جبکہ زخمی لطیف کو ہسپتال داخل کرادیا گیا ہے۔