کرونا نے پھر خطرے کی گھنٹی بجادی ایک ہفتے میں 42کھلاڑی ‘سٹاف شکار

لاہور(سپورٹس ڈیسک) اومی کرون کھیل کے میدان پر بھی حملہ آور ہوگیا ہے، مانچسٹر یونائیٹڈ نے کرونا وائرس کی نئی قسم کے پھیلاؤ کے باعث ٹریننگ کمپلیکس بند کردیا۔برطانیہ میں کرونا وائرس کے پھیلاؤ کے باعث انگلش پریمیئر فٹ بال لیگ کے میچز کا مستقبل خطرے میں پڑگیا ، مانچسٹر یونائیٹڈ کا ایک کھلاڑی کرونا کا شکار ہوکر آئسولیشن میں چلا گیا ہے۔کلب انتظامیہ کے مطابق برینٹ فورڈسے  میچ کو ملتوی کر دیا گیا ۔  دیگر کئی کلبوں کے کھلاڑی اور سٹاف بھی کرونا وائرس کا شکا ر ہوگئے ہیں ۔ ایک ہفتہ میں42نئے کیسز رپورٹ ہوئے ہیں جس کے بعد خطرے کی گھنٹی بج گئی ہے ۔