میر انشاہ میں خودکش حملہ،3افراد جاں بحق،متعددزخمی

میرانشاہ (نوائے وقت رپورٹ) شمالی وزیرستان کے ضلع میرانشاہ میں خودکش حملے کے نتیجے میں 3 افراد جاں بحق جبکہ متعدد زخمی ہو گئے۔ شمالی وزیرستان کے ضلع میرانشاہ میں واقع ہیڈکوارٹر سرگردان چوک میں خودکش حملہ آور  نے خود کو دھماکے سے اڑا لیا جس کے نتیجے میں 3 افراد جاں بحق جبکہ متعدد زخمی ہو گئے۔ ریسکیو اہلکاروں کا کہنا ہے کہ خودکش حملے میں زخمی ہونے والوں کی زیادہ تعداد راہیگروں کی ہے جبکہ نعشوں و زخمیوں کو فوری طبی امداد کیلئے ڈی  ایچ کیو ہسپتال منتقل کر دیا گیا ہے۔ دوسری جانب علاقے کو سکیورٹی اہلکاروں نے گھیرے میں لیکر سرچ آپریشن شروع کردیا ہے۔