کراچی (نیوز رپورٹر) ڈاؤیونیورسٹی آف ہیلتھ سائنسز کے بارہویں جلسہ تقسیمِ اسناد کا انعقاد جمعرات15دسمبر کو ''اوجھا کرکٹ اسٹیڈیم '' میں ہوگا، جس کی تیاریاں مکمل کرلی گئیں ہیں۔ ڈا یونیورسٹی کے تمام ملحقہ اداروں اور ذیلی شعبوں کے2ہزار سے زائد طالبہ وطالبات کو ڈگریاں تقسیم کی جائیں گی۔کانووکیشن کمیٹی کی چیئرپرسن پروفیسر صبا سہیل نے فل ڈریس ریہرسل سے قبل تما م ذ یلی کمیٹیوں کے سربراہان سے رپورٹ طلب کی اور اس پر اطمینان کا اظہار کیا۔ بعد ازاں فل ڈریس ریہرسل کی گئی اور تمام گریجویٹس کے فیکلٹی کے ساتھ گروپ فوٹو لئے گئے۔ جلسہ تقسیمِ اسناد کے مہمان خصوصی گورنر سندھ کامران ٹیسوری جبکہ مہمانِ اعزازی صوبائی وزیرِصحت ڈاکٹر عذرا فضل پیچوہو ہونگی جبکہ دیگر اہم شخصیات کی آمد متوقع ہے۔