سا بق انگلش کپتان ڈیوڈ گاور کا دورہ نیشنل ہائی پرفارمنس سینٹر 

لاہور(سپورٹس رپورٹر)انگلینڈ کرکٹ ٹیم کے سا بق کپتان ڈیوڈ گاور نے انگلینڈ ٹیم کو سپورٹ کرنے کیلئے پاکستان آنے والے کرکٹ فینز کے ہمراہ لاہور میں نیشنل ہائی پرفارمنس سینٹر کا دورہ کیا۔ ڈیوڈ گاورنے کہا کہ پاکستان میں ہمیشہ بہت اچھے انداز سے خوش آمدید کہا جاتا ہے ، ہمارے ساتھ پاکستان آنے والے دوبارہ یہاں آنا چاہیں گے۔ ڈیوڈ گاور اور کرکٹ فینز نے این ایچ پی سی کی راہداریوں میں نایاب تصاویر دیکھیں اور میوزیم کا دورہ بھی کیا۔ڈیوڈ گاور اور کرکٹ فینز نے پی سی بی کے کلیکشن کو خوب سراہا۔ ڈیوڈ گاور اور کرکٹ فینز نے قذافی سٹیڈیم کا بھی دورہ کیا ، ڈیوڈ گاور نے مہمانوں کی کتاب میں اپنے تاثرات قلم بند کیے۔ ڈیوڈ گاور نے کہا کہ این ایچ پی سی میں سہولیات دیکھ کر مجھے بہت اچھا لگا، میوزیم میں ٹرافیوں کو دیکھ کر بہت متاثر ہوا ہوں، تصاویر اور دوسری چیزوں کی ایک شاندار کلیکشن ہے۔ جانتاہوں پاکستان کے لوگ کرکٹ سے کس قدر محبت کرتے ہیں، میں دو تین سال سے آ رہا ہوں، یہاں خوش آمدید بہت اچھا کیا جاتا ہے، ہمارے ساتھ اس مرتبہ کچھ ایسے لوگ بھی ہیں جو پہلی مرتبہ پاکستان آئے ہیں کیونکہ کرکٹ انگلینڈ کیلئے اچھی جا رہی ہے اس لیے یہ سب خوش بھی ہیں، یہ پاکستان آکر بھی بہت خوش ہوئے ہیں اور دوبارہ آنا چاہیں گے۔