سندر پریمیئرلیگ کا شاندار  افتتاح‘ 3میچوں کا فیصلہ 

سندر (نامہ نگار) سندر سٹیٹ بورڈ آف مینجمنٹ کی جانب سے 9ویں سالانہ سندر پریمیئر لیگ کرکٹ ٹورنامنٹ کا افتتاح کر دیا گیا افتتاحی تقریب میں صدر سندر سٹیٹ بورڈ آف مینجمنٹ نے کہا کہ صنعتی ورکرز کو کام کیساتھ ساتھ تفریحی اور صحت مند ماحول مہیا کرنے میں ہمہ وقت کوشاں ہیں ۔ ایک ہفتہ جاری رہنے والی لیگ میں مختلف صنعتوں سے16 ٹیمیں حصہ لے رہی ہیں۔ افتتاحی تقریب میں نائب صدر سندر سٹیٹ ملک اظہر علی سمیت بورڈ آف مینجمنٹ کے عہدے دار بھی شریک تھے ۔ افتتاحی میچ میں روشن پیکجز نے پیڈمک کی ٹیم کو شکست دے کر  کامیابی اپنے نام کر لی ۔ مومن گھی نے شان فورڈز اور ایکسپریس پیکجزز نے تھرماسول کو شکست دی ۔