فیفا ورلڈکپ‘ فائنل میں پہنچنے پر میسی اور کوچ رو پڑے

لاہور(سپورٹس رپورٹر)قطر میں فیفا ورلڈکپ کے پہلے سیمی فائنل میں کروشیا کو شکست دینے والی ارجنٹائن ٹیم کے کوچ لیونل سکالونی نے کہا ہے کہ ہم ورلڈکپ حاصل کرنے سے محض ایک قدم دور ہیں۔ میرے خیال میں ہم جیت کے مستحق تھے لیکن اتنے بڑے مارجن سے جیت کی توقع نہیں تھی۔کروشین ٹیم کے حوالے سے کہا کہ آغاز میں ان کی میچ پر گرفت تھی لیکن ہمیں معلوم تھا کہ ایسا ہوگا کیونکہ ان کے پاس تین چوٹی کے مِڈ فیلڈرز تھے جو کئی برسوں سے اکٹھے کھیل رہے اور ایک دوسرے کو اچھے طرح سے جانتے ہیں۔ کروشیا کے خلاف ہم نے جیت کی خوشی منائی ہے کیونکہ فائنل میں پہنچنا بڑی بات ہے لیکن ابھی ایک اور قدم اٹھانا باقی ہے، ہم ورلڈکپ حاصل کرنے سے محض ایک قدم دور ہیں۔