پاکستانی فلم کملی کو یورپی فلم  فیسٹیول میں دکھایا جائیگا

 لاہور (کلچرل رپورٹر)  پاکستانی فلم کملی کی انٹرنیشنل فلم فیسٹول روٹرڈیم میں سکریننگ کی جائیگی۔ اداکار اور فلمساز سرمد کھوسٹ نے اپنے سوشل میڈیا اکائونٹ کے ذریعے اپنی فلم کی ایک اور کامیابی کا اعلان کیا۔ سرمد نے پوسٹ شیئر کرتے ہوئے لکھا کہ انہیں بے حد خوشی ہے کہ ان کی فلم کملی یورپ کے ایک فلمی میلے آئی ایف ایف آر میں سکرین کی جائیگی۔ امید ہے فلم دیکھنے والوں کو اپنے سحر میں جکڑنے میں کامیاب ہوگی ۔ فلم فیسٹول اگلے برس نیدرلینڈ کے شہر روٹرڈیم میں منعقد ہوگا اور یہ 25 جنوری سے 5 فروری تک جاری رہے گا۔