گلبرگ گرین فٹبال ٹورنامنٹ، نشتر کلب راولپنڈی نے ہماکلب کو ہرا دیا

اسلام آباد (خبرنگار)گلبرگ گرین فٹ بال ٹورنامنٹ میں نشتر کلب راولپنڈی نے ہماکلب اسلام آباد کو 3-4 پنلٹی ککس سے ہرا کر اگلے رانڈ کے لئے کوالیفائی کر لیا ہے۔ گلبرگ گرین فٹ بال گرائونڈ، اسلام آباد میں کھیلے گئے میچ میں دونوں ٹیمیں بغیر کسی گول کے برابر رہیں میچ کا فیصلہ پینلٹی ککس پر ہوا جس کے نتیجے میں نشتر کلب راولپنڈی نے چار گول اور ہما کلب اسلام آباد نے تین گول کئے۔ ٹورنامنٹ کے چیف آرگنائزر انٹرنیشنل فٹ بالر گولڈ میڈلسٹ حاجی عبدالستار نے بتایا کہ ٹورنامنٹ میں اسلام آباد اور راولپنڈی ڈویژن کی بہترین 18 ٹیمیں حصہ لے رہی ہیں۔ ٹورنامنٹ ناک آوٹ سسٹم پر پی ایف ایف قوانین کے مطابق کھیلا جا رہا ہے۔ ٹورنامنٹ کے سیمی فائنل مقابلے 22 دسمبر سے کھیلے جائیں گے جبکہ فائنل میچ 24 دسمبر کو کھیلا جائے گا۔ فائنل میچ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے