حسن ابدال (نمائندہ نوائے وقت ) حسن ابدال جی ٹی روڈ جلو سٹاپ کے قریب تیز رفتار ڈمپر نے موٹر سائیکل سوار کو ٹکر ماری دی۔جس کے نتیجے میں 18 سالہ افغانی نوجوان موٹر سائیکل سوار ابراہیم ولد ر¶ف خان موقع پرہی جاںبحق ہوگیا۔حادثے کی اطلاع ملتے ہی پولیس اور ریسکیو ادارے موقع پر پہنچ گئے۔ حسن ابدال میں کافی عرصے سے ڈمپر ڈرائیوروں کی غفلت اور تیز رفتاری کے باعث حادثات کا سلسلہ معمول بن چکا ہے جس سے کئی قیمتی انسانی جانیں ضائع ہو گئیں۔شہریوں کی جانب سے ارباب اختیار سے اصلاح احوال کا بھر پور مطالبہ ہے۔
فتح جنگ (نامہ نگار )موضع حطار میں پچاس سالہ شخص سمندر خان ٹریکٹر کےساتھ ٹوکا کرتے ہوئے شافٹ کی زد میں آکر جاں بحق ہوگیا ،متوفی ملک دلاور خان کا بھائی ملک عنائت علی او رراجہ مظہرم نائیک آف حطار کا کزن تھا، مقامی قبرستان میں سپرد خاک کردیا گیا ، نمازجنازہ میں سید سلامت شاہ ،سجادہ نشین پریم نگر فقیراں ملک عاقب علی ،سائیں طارق محمود،ماسٹر ملک محمد سلیم،ملک غلام قادر ،حاجی محمود سکندر خان جھنگ،ملک عبدالحمید ،حاجی ملک تاج،حاجی محمد اسلم نمبردار،ملک جاوید ہما،ملک جہانگیر ،ملک محبوب ،چوہدری حکمداد رتہ امرال،حاجی محمد اکرم زرگر،حاجی ملک عبد المجید ،ماسٹر ملک محمد طارق،ملک ساجد محمود ،ملک محمد اسلم فوجی ودیگر نے شرکت کی ۔
بوچھال کلاں(© نامہ نگار)بوچھال کلاں کے قریب سرکلاں روڈ پر ہائی ایس کی ٹکر سے دس سالہ لڑکا جاں بحق لاش ٹراما سینٹر منتقل تفصیل کے مطابق محمد علیان ولد غلام مصطفےٰ ساکن مارٹن سرکلاں روڈ پر جا رہا تھا کہ پیچھے سے آنے والی ہائی ایس گاڑی سے ٹکرا کر موقع پر ہی جانبحق ہو گیا وہاں مقامی لوگوں نے پولیس کو اطلاع دی جس پر بوچھال کلاں پولیس چوکی کے اہلکاروں نے موقع پر پہنچ کر لاش کو ٹراما سینٹر منتقل کر کے ڈرائیور کے خلاد مقدمہ درج کر لیا ۔