اسلام آباد (نمائندہ خصوصی) یوٹیلٹی سٹورز پر مختلف برانڈز کے گھی اور کوکنگ آئل کی قیمتوں میں کمی کر دی گئی۔ نوٹیفکیشن کے مطابق یوٹیلٹی سٹورز پر مختلف برانڈز کا گھی 17 روپے فی کلو تک سستا کر دیا گیا۔ کوکنگ آئل کی قیمتوں میں 37 روپے سے 48 روپے فی لٹر تک کمی  کر دی گئی۔ یوٹیلٹی سٹورز پر گھی 499 روپے کی بجائے 482 روپے فی کلو دستیاب ہوگا۔ برانڈڈ کوکنگ آئل کی قیمت 470 روپے سے کم ہوکر 422 روپے فی لیٹر مقرر کر دیا۔ نئی قیمتوں کا اطلاق فوری طور پر ہوگا۔ کارپوریشن نے نوٹیفکیشن جاری کر دیا۔