بابر اعظم نے50ٹیسٹ میچز کا سنگ میل عبور کر لیا‘خصوصی سووینئر ‘ کیپ پیش 

لاہور(سپورٹس رپورٹر) سابق کپتان اور مایہ ناز بیٹر بابر اعظم نے ایک اور اہم سنگ میل عبور کر لیا، پرتھ ٹیسٹ میچ  بابر اعظم کے کیریئر کا 50 واں ٹیسٹ میچ ہے اور انہوں یہ میچ کھیل کر اور ایک اہم سنگ میل عبور کیا ہے،میچ سے قبل پاکستان ٹیسٹ ٹیم کے کپتان شان مسعود کی جانب سے 50ویں ٹیسٹ میں شرکت پر بابر اعظم کو خصوصی سووینئر اور کیپ بھی پیش کی گئی۔ شان مسعود نے کہا کہ آپ نے ابھی بہت کچھ حاصل کرنا ہے ، آپ نے پاکستان کی بیٹنگ کو تبدیل کیا ہے، آپ نے ثابت کیا ہے ہمارا بیٹر ورلڈ کلاس میں آ سکتا ہے، آپ نے پاکستان کی کپتانی کی ہے ، ہم سب کی کرکٹ آپ کیساتھ چلی ہے۔ ابھی یہ شروعات ہیں ، ہم آپ کو 100ٹیسٹ میچ کھیلتا ہوا دیکھنا چاہیں گے ۔