لاہورمیں مبینہ پولیس مقابلہ ،2ڈاکواپنے ہی ساتھیوں کی فائرنگ سے ہلاک

لاہور کے علاقے شاد باغ میں مبینہ پولیس مقابلے میں 2ڈاکو ہلاک ہوگئے اور دو فرار ہونے میں کامیاب ہوگئے۔پولیس مقابلہ ندیم سرور گھاٹی رنگ روڈ کے قریب ہوا، جہاں چار ملزمان واردات کے بعد فرار ہونے کی کوشش کررہے تھے کہ پولیس نے ناکے پر ملزمان کو روکنے کی کوشش کی تو اس دوران دو موٹرسائیکل سوار پکڑے گئے جبکہ 2فرار ہوگئے۔پولیس پکڑے جانے والوں ڈاکوئو ں سے پوچھ گچھ کررہی تھی کہ اس دوران فرار ہونے والے ملزمان نے واپس آکر پولیس پر فائرنگ شروع کردی، ملزمان کی اپنی ہی فائرنگ سے ان کے دونوں ساتھی مارے گئے اور فرار ہونے میں کامیاب ہوگئے۔پولیس کا کہنا ہے کہ ہلاک ہونے والوں کی شناخت ذیشان اور عابد کے نام سے ہوئی ہے، جو درجنوں وارداتوں میں مطلوب تھے۔