کابل (آن لائن) افغانستان میں نیٹو اتحادی طیاروں کی جانب سے کلسٹر بم گرانے کی ویڈیو سامنے آ گئی ہے۔ امریکی قیادت میں حملہ کرنے والے اتحادیوں نے 2001ءمیں کلسٹر بم برسائے جس سے بڑی تعداد میں لوگوں کی ہلاکتیں اور جائیداد کا نقصان ہوا۔ بم گرائے جانے کے دوران سویلین کی بڑی ہلاکتیں ہوئیں۔ تاہم یہ کلسٹر بم جو زمینوں پر رہ گئے تھے ان کی وجہ سے بعد میں بھی ہلاکتوں کا سلسلہ جاری رہا۔ امریکہ اور اسرائیل کلسٹر بم بنانے میں سرفہرست ہیں۔ دریں اثناءافغان صوبہ کنڑ میں امن کونسل کے صوبائی سربراہ موالوی محمد ہاشم منیب نے بتایا کہ تاج محمد اور مسعود کی سربراہی میں 19 طالبان جنگجووں نے ہتھیار ڈال دیئے ہیں۔