لاہور (سپورٹس رپورٹر) سپورٹس جرنلسٹ ایسوسی ایشن آف لاہور کے زیراہتمام کھیلا جانے والے نمائشی فٹبال میچ ایک ایک گول سے برابر رہا۔ پاکستان فٹبال فیڈریشن اور ماڈل ٹاون فٹبال اکیڈمی کے تعاون سے میچ ایم ٹی ایف گراونڈ میں کھیلا گیا۔ سجال ٹیم کی قیادت چودھری اشرف جبکہ سواپ ٹیم کی عامر رضا نے کی۔ سجال الیون کی جانب سے غالب باجوہ جبکہ سواپ کی جانب سے حافظ عمران نے گول کیا۔ مہمان خصوصی پاکستان فٹبال فیڈریشن کے سیکرٹری جنرل کرنل (ر) احمد یار لودھی تھے۔