امریکی سفارتخانہ کی گاڑی کی ٹکر سے موٹر سائیکل سوار جاں بحق‘ دوسرا زخمی

اسلام آباد (اپنے سٹاف رپورٹر سے) تھانہ سیکرٹریٹ کے علاقے مارگلہ روڈ پر امریکی سفارتخانے کی گاڑی کی ٹکر سے ایک موٹر سائیکل سوار جاں بحق جبکہ دوسرا شدید زخمی ہوگیا۔ زخمی کا بازو ٹوٹ گیا۔ پولیس نے امریکی سفارتخانے کی گاڑی قبضے میں لے لی۔ تفصیلات کے مطابق جمعرات کی شب پنجاب ہا¶س کے قریب مارگلہ روڈ پر امریکی سفارتخانے کی گاڑی نے ایک موٹر سائیکل کو ٹکر مار دی جس پر دو نوجوان مزمل شاہ اور شاہ زیب رضا سوار تھے جو ٹکر سے شدید زخمی ہوگئے جنہیں پولی کلینک پہنچایا گیا تاہم مزمل شاہ زخموں کی تاب نہ لاتے ہوئے ہسپتال میں چل بسا جبکہ شاہ زیب کا بازو ٹوٹ گیا اس کی حالت بھی تشویشناک بتائی جاتی ہے۔ امریکی سفارتخانے کا عملہ اور آئی جی بنی امین حادثے کے بعد سیکرٹریٹ پہنچ گئے جبکہ پولیس نے بتایا کہ جاں بحق ہونے والا مزمل شاہ سی ڈی اے کا ملازم تھا۔
گاڑی/ ٹکر