ویمن ٹیم کپتان ثناء میرکا ورلڈ کپ کے بعد کپتانی چھوڑنے کا فیصلہ

لاہور (سپورٹس رپورٹر+ نمائندہ سپورٹس) آل رائونڈر ثناء میر قومی ویمن ٹی ٹونٹی کرکٹ ٹیم کی کپتانی سے ریٹائرمنٹ کے بعد قومی ویمن ون ڈے ٹیم کی کپتانی سے بھی رواں برس ریٹائر ہوجائیں گی ، ثنا ء میر نے اعلان کیا کہ رواں برس انگلینڈ میں ورلڈ کپ میں وہ بطور کپتان آخری مرتبہ کھیلیں گی۔ ثناء میر ویمن ورلڈ کپ کوالیفائنگ رائونڈ میں کپتانی کررہی ہیں نے ٹورنامنٹ میں 100 وکٹیں حاصل کرنے والی پہلی پاکستانی خاتون کھلاڑی اور دنیا کی چھٹی بہترین آل راونڈر بننے کا اعزاز حاصل کیا۔