وزیراعظم عمران خان آج ایک روزہ دورے پرلاہور پہنچیں گے۔
تفصیلات کے مطابق وزیراعظم آج ایک روزہ دورے پر لاہور پہنچیں گے ۔ وزیراعظم مہنگائی اور امن و امان سے متعلق اعلی سطحی اجلاس کی صدرات کریں گے ۔ دورے میں وزیراعظم شہریوں کو صحت انصاف کارڈ تقسیم کریں گے۔ محکمہ صحت کی جانب سے انصاف کارڈ تقسیم کی تقریب منعقد  کی جائے گی۔جبکہ وزیراعظم عمران خان کی وزیراعلیٰ پنجاب سردار عثمان بزدار  اور گورنر پنجاب چوہدری سرور سے بھی ون ٹو ون ملاقاتیں ہوں گی ۔وزیراعظم عمران خان سیف سٹی اتھارٹی کا دورہ بھی کریں گے جہاں انہیں  سیف سٹی حکام کی جانب سے بریفنگ دی جائے گی ۔