مشہور زمانہ ہالی ووڈ سیریز ”بیٹ مین“کی ایک اور فلم جلد اپنے مداحوں کا دل جیتنے کے لیے اسکرینز پر نظر آئےگی اور اس بار اس سیریز میں بیٹ مین کا کردار کوئی اور نہیں بلکہ خوبرو اداکار روبرٹ پیٹنسن نبھاتے نظر آئیں گے۔اس کی پہلی جھلک انٹرنیٹ پر جاری کردی گئی ہے جسے خوب پسند کیا جارہا ہے۔نئی فلم کے ہدایت کار میٹ ریوز نے سماجی رابطے کی ویب سائٹ ٹوئٹر پر ایک ٹوئٹ کے ذریعے مختصر ویڈیو شیئر کی۔اس ویڈیو میں سرخ رنگ کی روشنی میں روبرٹ پیٹنسن کو بیٹ مین کے طور پر متعارف کروایا گیا۔فلم میں روبرٹ پیٹنسن کے علاوہ کولن فیرل، جان ٹرٹورو، اینڈی سرکس، پال ڈانو اور زوئی کراوٹز بھی شامل ہیں۔فلم”بیٹ مین“کو اگلے سال ریلیز کرنے کا فیصلہ کیا گیا ہے۔واضح رہے کہ بیٹ مین کا کردار ملنے کے بعد روبرٹ پیٹنسن کی مقبولیت میں بھی کافی حد تک اضافہ ہوا ہے۔رواں سال امریکا سے تعلق رکھنے والے ایک ڈاکٹر کی تحقیق کے مطابق روبرٹ پیٹنسن دنیا کے سب سے خوبرو مرد قرار دیے گئے۔وہ اپنے کیریئر میں ”ٹوائلائٹ سیریز“، ”ہیری پوٹر“ اور”کوسموپولیس“ جیسی فلموں میں کام کرچکے ہیں۔