بکری نے کسان کو مالامال کردیا

سونے کا انڈہ دینے والی مرغی کی بدولت کسان کو غریب سے امیر بننے کی کہانی کو یقیناً آپ نے سن رکھی ہوگی لیکن بھارتی ریاست مہاراشٹر کے ایک گاؤں سے تعلق رکھنے والی کسان کی غربت ایک بکری سے ختم کی ہے۔کسان سندیپ پرس رام مسل کی اس افریقی بکری کی قیمت 1 لاکھ 51 ہزار روپے ہے، جو ایک بْلیٹ موٹر سائیکل کی قیمت کے برابر ہے۔کسان کا کہنا ہے کہ بکری کا وزن روزانہ کی بنیاد پر تین سے ساڑھے سو گرام تک بڑھ گیا ہے جس کی وجہ سے بکری کی بازار میں قیمت کئی گناہ بڑھ گئی ہے۔انہوں نے بکری فارم کا کاروبار سال 2016 میں شروع کیا تھا،جس سے وہ اب تک لاکھوں روپے کما چکے ہیں۔سندیپ پرس رام مسل کے مطابق اس بکری کی خاص بات یہ ہے کہ بکری کا وزن روزانہ کی بنیاد پر 300 سے 350 گرام تک بڑھ جاتا ہے جبکہ بکری کے بچے کے وزن میں 4 سے ساڑھے 4 گرام تک اضافہ ہوتا ہے۔بھارتی کسان کا کہنا ہے کہ اس بکری کو ایک دن میں کم از کم ایک کلو کھانا کھلانے کی ضرورت ہوتی ہے۔