ساہنگ سے ڈیرہ سیداں سوگادت تک سڑک کھنڈرات میں تبدیل

مندرہ (نامہ نگار)ساہنگ سے ڈیرہ سیداں سوگادت تک سڑک کھنڈرات میں تبدیل اہلیان علاقہ کو آمدورفت میں شدید دشواری کا سامنا ارباب اختیار سے فوری نوٹس لینے کا مطالبہ پیپلز سٹوڈنٹ فیڈریشن راولپنڈی کے نائیب صدر راجہ اویس کیانی شہباز رضا کیانی کاشف امتیاز کیانی نے گوجر کے حلقہ پی پی 9 سے منتخب ایم  پی اے چوھدری ساجد محمود سے مطالبہ کیا ہے کہ وہ الیکشن 2018 میں حلقہ کے عوام کے ساتھ کیا گیا وعدہ پورا کریں اور ٹوٹی پھوٹی سڑک کی فوری تعمیر شروع کریں انھوں نے کہا اہلیان علاقہ شدید مشکلات کا شکار ہیں اگر ہمارا مطالبہ پورا نہ کیا گیا تو ہم مندرہ چکوال روڈ کو بند کرکے احتجاجی دھرنا دیں گے جس کی تمام تر ذمہ داری علاقہ کے ایم پی اے پر ہوگی ۔