لاہور(سپورٹس ڈیسک)ویسٹ انڈیز نے بنگلہ دیش کو دوسرے ٹیسٹ میچ میں 17رنز سے شکست دے کر سیریز دو صفر سے وائٹ واش کردیا ۔ میزبان ٹیم اپنی پہلی اننگز میں 296رنز بناکر آئوٹ ہو گئی ۔ مہمان ٹیم بھی دوسری اننگز میں نہ سنبھل سکی اور صرف117رنز پر ڈھیر ہو گئی ۔میزبان ٹیم کو میچ جیتنے کیلئے 231رنز کاہدف ملا تاہم ٹیم 213رنز پر پویلین لوٹ گئی ۔ بنگلہ دیش کی جانب سے پہلی اننگز میں لٹن داس 71‘مہدی حسن میراز 57رنز بناکر نمایاں رہے ۔ راکھیم کورنوال نے پانچ کھلاڑیوں کو آئوٹ کیا ۔ تاج الاسلام نے چار کھلاڑیوں کو آئوٹ کیا ۔ میزبان ٹیم کی طرف سے دوسری اننگز میں تمیم اقبال پچاس رنز بناکر نمایاں رہے ۔ راکھیم کورنوال نے چار کھلاڑیوں کو آئوٹ کیا۔ راکھیم کورنوال کو میچ جبکہ نکروما بونر کو سیریز کا بہترین کھلاڑی قرار دیا گیا ۔