چولستان جیپ ریلی، صاحبزداہ سلطان نے میدان مار لیا

لاہور (نمائندہ سپورٹس)  سولہویں چولستان جیپ ریلی صاحبزادہ سلطان نے اپنے نام کرلی جبکہ خواتین کی کیٹیگری میں تشنا پٹیل فاتح قرار پائیں۔پری پیئرڈ کیٹیگری کے مقابلوں میں صاحبزادہ سلطان نے گذشتہ سال کے فاتح میرنادرمگسی کوشکست دیکرٹائٹل اپنے نام کرلیا، صاحبزادہ سلطان نے تین گھنٹے 11منٹ میں ٹریک کوعبور کیا جبکہ نادرمگسی نے تین گھنٹے 22منٹ میں ٹریک عبور کرتے ہوئے دوسری پوزیشن حاصل کی، جعفر عمران نے تیسری پوزیشن حاصل کی،انہوں نے 3گھنٹے 24منٹ میں ٹریک عبور کیا۔خواتین کی کیٹیگری میں تشنا پٹیل فاتح قرارپائیں، سلمیٰ خان مروت نے دوسری اور ماہم قریشی نے تیسری پوزیشن حاصل کی،تشناپاٹیل نے ٹائٹل دفاع کرتے ہوئے 165کلومیٹر ٹریک عبور کیا۔