حضرت علی کی ولادتِ کی مناسبت سے عالمی جشن مرتضوی کے پروگراموں کاسلسلہ  جاری

راولپنڈی(جنرل رپورٹر) امیر المومنین شیرِ خدا حضرت علی ابن ابی طالب علیہ السلام کی ولادتِ باسعادت کی مناسبت سے عالمی جشن مرتضوی کے پروگراموں کاسلسلہ آج بھی جاری رہا۔اس موقع پر محافلِ میلاد ،کا نفرنسیں اور جلسے منعقد کیے گئے جن میں موالیان حیدر کرار نے بھر پور شرکت کر کے مطلع ولایت و امامت سے عقیدت و محبت کا عملی اظہار کیا ہے ۔منگل13 رجب المرجب کوامیر المومنین حضرت علی ابن ابی طالب ؑ کا یوم ولادت پر نورمذہبی عقیدت،جوش و جذبے کیساتھ منایاجائیگا۔انجمن مجاہدین حسینی کے زیراہم قصر کاظمیہ جسول سیداں میں جشن مرتضوی 12بجے دن شروع ہوگا جس سے الحاج علامہ سید قمر حیدرزیدی ،علامہ ذوالفقار حیدر نقوی علامہ واصف کاظمی ،ذاکر نوید عاشق بی اے،ذاکر ناہید عباس جگ،ذاکر یاسر رضا جھنڈوی،ذاکر مدثر اقبال جھامرہ،ذاکر مرتضیٰ قنبر،ذاکر اکرام ارشد اور سید نیئر عباس کاظمی خطاب کریں گے۔