پی ایس ایل7: پشاور زلمی اور کوئٹہ گلیڈی ایٹرز آج مدمقابل

 پی ایس ایل سیون کے دوسرے راؤنڈ کے تگڑے مقابلے جاری ہیں۔ آج صرف ایک میچ کھیلا جائے گا، پشاور زلمی اور کوئٹہ گلیڈی ایٹرز کی ٹیمیں آمنے سامنے ہوں گی۔قذافی اسٹیڈیم لاہور میں شام ساڑھے سات بجے کرکٹ ایکشن شروع ہوگا۔ لاہور قلندرز کے خلاف 8 وکٹ کی شکست سے دوچار ہونے والی ٹیم کوئٹہ نے جیت کے ساتھ کم بیک پر نظریں جمالیں۔ دوسری جانب پشاور زلمی نے بھی ایونٹ میں دوسری مرتبہ گلیڈی ایٹرز کو ہرانے کے لیے کمر کس لی ہے۔کرکٹ دیوانوں کو شعیب ملک، سرفراز احمد اور جیسن رائے سے اچھی پرفارمنس کی امید ہے۔ دونوں ٹیمیں اب تک ایونٹ میں تین تین میچز جیت چکی ہیں۔ بہتر رن ریٹ کے باعث کوئٹہ کی چوتھی اور پشاور کی پانچویں پوزیشن ہے۔