لاہور ( سپورٹس رپورٹر) لاہور قلندرز کے کپتان شاہین شاہ آفریدی نے کہا ہے کہ ہم نے ملتان سلطانز کے خلاف پہلے میچ میں اپنے بولرز کو ٹھیک وقت پر استعمال کیا جس سے فائدہ ہوا۔ طاہر کا پہلا میچ تھا اس نے اچھی بیٹنگ کی جبکہ فخر زمان نے بھی بلاشبہ اچھی بیٹنگ کی ہے۔مین آف دی میچ فخر زمان کا میچ کے بعد کہنا تھا کہ شروع میں وکٹ ہماری توقعات کے مطابق نہیں تھی۔ ابتدائی اوورز کے بعد جب گیند اچھی طرح بیٹ پر آئی تو رنز سکور کیے۔پی ایس ایل 8 کے افتتاحی میچ میں ہوم ٹیم ملتان سلطانز کے کپتان محمد رضوان نے کہا کہ جس طرح ہم آغاز میں بیٹنگ کر رہے تھے لگ رہا تھا رنز ہوجائیں گے۔کپتان ملتان سلطانز کا کہنا تھا کہ لاہور قلندرز نے اچھی بائولنگ کی جس طرح سے ان کی بائولنگ مشہور ہے۔ ہمارے بائولرز نے بھی اچھی بائولنگ کی، پولارڈ اور ملر نے اچھی بیٹنگ کی تاہم وہ فنش نہیں کرسکے۔