پیرپگارا کا یوم پیدائش ہمارے لیے تہوار ہے ، فقیر علی احمد 

نگریو(نامہ نگار)پیر سائیں پگارا کی 66ویں سالگرہ کا کیک لاڈ چوکی کے مکھ خلیفہ فقیر لعل بخش احمدانی نے پنگریو کے قریب ہرآباد میں کاٹااورپیرپگاراکی درازی عمر کے کے لیے خصوصی دعا کی گئی۔لعل بخش احمدانی نے سالگرہ تقریب سے خطاب کرتے ہوئے کہا کہ پیر سائیں پگارا ایک عظیم شخصیت ہیں۔ ان کی قیادت میں حر جماعت پاک فوج کے شانہ بشانہ کھڑی ہے اور حر مجاہد اپنے مرشد کے حکم پر ملک کی سرحدوں پر پاک فوج کے ہمراہ ہرقربانی کے لیے سربکف ہیں حرجماعت نے ماضی میں بھی دفاع وطن کے لیے بہت قربانیاں دی ہیں جب تک ایک بھی حرزندہ ہے کوئی دشمن پیارے وطن پاکستان کی طرف میلی آنکھ اٹھاکر نہیں دیکھ سکتا اس موقع پرحرجماعت کے مقامی رہنما پیر شاہ محمد شاہ راشدی المعروف لالہ سائیں  نے کہا کہ پیر سائیں پگارا ملک کے واحد رہنما ہیں جو ملک کی ترقی اور خوشحالی کے لیے کوشاں ہیں،پیر سائیں پگارا دنیا کے عظیم رہنما۔ مفکراوررہبر ہیں فنکشنل لیگ ملک کی واحد جماعت ہے جو کہ ملک کی نظریاتی سرحدوں کی محافظ اورضامن ہے فنکشنل مسلم لیگ عوام کی ترقی اور خوشحالی کے لیے جدوجہد کررہی ہے تقریب سے خطاب کرتے ہوئے فقیر علی احمد چانڈیو نے کہا کہ پیرپگارا کا یوم پیدائش ہمارے لیے ایک تہوار ہے اورہمیں اپنے روحانی رہنماکی سالگرہ مناتے ہوئے عیدسے بھی زیادہ خوشی ہورہی ہے فقیر نواز علی احمدانی نے خطاب کرتے ہوئے کہاکہ حربہت خوش نصیب ہیں کہ انہیں پیرپگاراجیسے رہبراوررہنماملے ہیں تقریب سے خلیفہ عبدالخالق لغاری، محمدجمن کھٹی‘ فقیر رسول بخش گاڈیوان‘ فقیر خلیل اجمد احمدانی‘ فوادحسین احمدانی‘ حاجی محمد پناہ ملاح اور حر جماعت کی دیگر معتبر شخصیات نے شرکت کی ۔