کراچی میں تحریک انصاف کو جھٹکا ایم پی اے اعجاز سواتی پیپلز پارٹی میں شامل 

کراچی (نوائے وقت رپورٹ) کراچی میں تحریک انصاف کو جھٹکا، منتخب رکن سندھ اسمبلی نے پیپلز پارٹی میں شمولیت اختیار کر لی۔ ملیر پی ایس 88 سے تحریک انصاف کے حمایت یافتہ آزاد منتخب رکن سندھ اسمبلی اعجاز سواتی نے باضابطہ پیپلز پارٹی میں شمولیت اختیار کر لی۔ جس کے بعد پی پی کے سندھ اسمبلی میں ارکان کی تعداد 86 ہو گئی۔ ویڈیو بیان میں اعجاز سواتی نے کہا  عوام، دوستوں اور ووٹرز سے مشاورت کے بعد فیصلہ کیا، امید ہے پیپلز پارٹی حقیقی طور پر حلقے کی خوشحالی کیلئے کام کرے گی۔