لاہور (آئی اےن پی) پاکستان کرکٹ ٹیم20 جنوری کو جنوبی افریقہ کے دورے پر روانہ ہو گی۔ دورہ جنوبی افریقہ کے دوران قومی کرکٹ ٹیم 3 ٹیسٹ، 2 ٹی ٹونٹی اور 5 ون ڈے انٹرنیشنل میچ کھیلے گی جبکہ جنوبی افریقن انویٹیشن الیون کے خلاف بھی دومیچزکھیلے گی۔ قومی کرکٹ ٹیم دورہ جنوبی افریقہ کا آغاز 25 جنوری 2013ءکو جنوبی افریقن انویٹیشن الیون کے خلاف ایسٹ لندن میں تین روزہ میچ سے کرے گی۔ پاکستان جنوبی افریقہ کے خلاف اپنا پہلا ٹیسٹ میچ ےکم فروری کو جوہانسبرگ میں، دوسرا ٹیسٹ 14 فروری کوکیپ ٹاو¿ن اور تیسرا ٹیسٹ 22 فروری کو سنچورین میںکھیلے گی۔ 2 ٹی ٹونٹی میچوں میں سے پہلا میچ ےکم مارچ کو ڈربن اور دوسرا ٹی ٹونٹی میچ 3 مارچ کو ایسٹ لندن میںکھیلے گی۔ 6 مارچ کو دوسرا ٹور میچ جنوبی افریقن انویٹیشن الیون کے خلاف کیمبرلے میںکھیلے گی۔ جنوبی افریقہ کے خلاف 5 ون ڈے میچوںکی سیریز کا پہلا میچ 10 مارچ کو بلوم فونٹین میں، دوسرا میچ 15 مارچ کو سنچورین میں، تیسرا میچ17مارچ کو جوہانسبرگ میں، چوتھا میچ 21 مارچ کو ڈربن میں اور پانچواں میچ 24 مارچ کو بینونی میں کھیلا جائے گا۔