خیبرایجنسی کے علاقے شلوبرمیں سیکیورٹی اوردہشتگردوں کے درمیان جھڑپ میں چھ اہلکارشہید اورسولہ زخمی ہوگئے.

سرکاری ذرائع کے مطابق، خیبر ایجنسی کی تحصیل باڑا کے علاقے شلوبرمیں سیکیورٹی اور دہشت گردوں کے درمیان جھڑپ میں چھ اہلکارشہید اورسولہ زخمی ہوگئے۔ شہید اہلکاروں میں چار کا تعلق ایف سی اور دو کا خاصہ درار فورس سے ہے۔ زخمیوں کوکمبائنڈ ملٹری اسپتال پشاورمنتقل کردیا گیا ہے،جہاں چارکی حالت تشویشناک ہے۔ ذرائع کے مطابق رات بھرجاری جھڑپ میں بھاری ہتھیاروں کے ساتھ گولہ باری کی گئی۔ سیکیورٹی فورسزکی بھاری نفری امداد کارروائیوں میں مصروف ہے۔