شیخوپورہ +سیالکوٹ +میانوالی(نامہ نگار خصوصی+ نامہ نگاران)شیخوپورہ، سیالکوٹ، میانوالی میں خاتون، نوجوان سمیت 3 افراد نے خودکشی کرلی۔ تفصیلات کے مطابق تھانہ بی ڈویژن کے علاقہ ڈیرہ خورشید میں معروف سماجی رہنما چودھری عثمان منج نے سر میں گولی مار کر زندگی ختم کرلی۔ علاوہ ازیںمراکیوال میں فرزانہ بی بی کو دو سال قبل طلاق ہوئی تھی۔گزشتہ روز فرزانہ کا پندرہ سالہ بیٹا محمد احمد اپنی ماں کو چھوڑ کر اپنے والد اقبال کے ساتھ چلا گیا اسی غم میں فرزانہ بی بی نے زہر کھا لیا۔ علاوہ ازیں میانوالی کے علاقہ تھانہ پائی خیل میں نشہ کے عادی نوجوان ہیبت نے تنگ آ کر خود کوگولی مار کر زندگی ختم کرلی۔