رسالپور ‘ افغا ن جھونپڑیوں میں آتشزدگی‘ لاکھوں کا نقصان

رسالپور(نامہ نگار )رسالپور خیشگی بالا میں افغانیوں کے جھونپڑیوں میں اچانک آگ بھڑک اٹھی ریسکیو 1122 کے فائیر فائیٹر کی گاڑیوں نے موقع پر پہنچ کر آگ پر قابو پالیا لاکھوںکا نقصان ہو
گیا جبکہ ان کی بچی کی شادی کا جہیز اور سونا بھی جل کر خاکستر ہوگیا کوئی جانی نقصان نہیں ہوا تفصیلات کے مطابق خیشگی بالا میں کریم خان، غازی مرجان ، امیر جان ، جلال دین افغانی حال خیشگی بالا کی جھونپڑی میں اچانک آگ بھڑک اٹھی آگ تیزی سے پورے جھونپڑیوں کو اپنی لپیٹ میں لے لیا مقامی لوگوں نے اپنی مدد آپ کے تحت کافی کوشش کی مگر آگ پر قابو نہ پایا جا سکا ریسکیو 1122 کے اہلکاروں نے موقع پر پہنچ کر 30 منٹ کی کوششوں سے آگ پر قابو پایا جا سکا مقامی لوگوں کا کہنا تھا کہ گھر میں دوپہر کو تندور میں آگ بھڑکنے سے نزدیک جھونپڑی کو اپنی لپیٹ میں لیا آگ سے گھر کا لاکھوں کا سامان جل کر خاکستر ہو گیا ۔