گھر سے لاپتہ بچے کوپولیس نے تلاش کر کے والدین کے حوالہ کردیا

گوجرخان (نامہ نگار)ایک روز قبل گھر سے لاپتہ ہونے والے بچے کوپولیس نے تلاش کر کے والدین کے حوالہ کردیا ایس ایچ او تھانہ گوجرخان اشتیاق مسعود چیمہ نے پوٹھوہار پریس کلب کے صحافیوں کو بتایا کہ موہڑہ گجراں سے بارہ سالہ حسن علی جو کہ گھر سے لاپتہ تھا اور والدین اس کو تلاش کر رہے تھے لیکن اس کا کوئی پتہ نہ چل سکا گزشتہ روز گوجرخا ن بس اسٹینڈ پر پولیس ملازمین موجود تھے ان کو ایک بچہ اکیلا کھڑا نظر آیا جسے تھانہ گوجرخان لایا گیا تو اس نے بتایا کہ وہ تھانہ جاتلی کے ایریا موہڑہ گجراں کا رہائشی ہے اس کے گھر والوں کو فوری اطلاع دی گئی بچے کا چچا ضیافت حسین تھانہ گوجرخان پہنچا تو حسن علی کو اس کے حوالہ کر دیا گیا ضیافت حسین نے پولیس کا شکریہ ادا کیا کہ ان کی بروقت کوشش سے ان کا بچہ مل گیا ہے