پشاور: چیک پوسٹ پر بم دھماکہ، 5 خواتین سمیت 10 زخمی

پشاور (نوائے وقت رپورٹ) کارخانو چیک پوسٹ پشاور پر دھماکہ ہوا۔ ایس ایس پی آپریشنز کے مطابق دھماکہ دیہی ساختہ بم کا ہے۔ دھماکے میں 10 افراد زخمی ہوئے۔ زخمیوں کو حیات آباد میڈیکل کمپلیکس منتقل کر دیا گیا۔ انتظامیہ ایچ ایم سی نے تصدیق کی ہے کہ زخمیوں میں 4 مرد اور 5 خواتین شامل ہیں۔ جن میں 2 خواتین کی حالت نازک ہے۔ ایس ایس پی آپریشن ظہور احمد نے کہا ہے کہ پولیس ناکہ بندی کے ساتھ خالی جگہ پر دیسی ساختہ بم دھماکہ ہوا جس میں 10 افراد زخمی ہوئے۔ زخمیوں میں ایک اہلکار شامل ہے۔ دھماکے کے بعد جمرود پشاور روڈ کو بند کر دیا گیا ہے۔