لاہور (نمائندہ خصوصی) لاہور وحدت روڈ کے علاقہ میںگھر میں آگ لگنے کے باعث تین کمسن بچے اور ان کی نانی جاں بحق ہوگئی۔ ریسکیو کے مطابق واقعہ وحدت کالونی  روڈ کے علاقہ آبپارہ سٹاپ شاہد کالونی میں پیش آیا جہاں ایک گھر میں آگ بھڑک اٹھی۔ ابتدائی تحقیقات کے مطابق آگ گیس ہیٹر کی لیکیج کے باعث لگی۔ اطلاع ملنے پر ریسکیو کی ٹیمیں موقع پر پہنچیں اور 3بچوں اور ان کی نانی کو تشویشناک حالت میں ہسپتال منتقل کیا، جہاں وہ جانبر نہ ہوسکے۔ مرنے والوں میں 45 سالہ رخسانہ بی بی، 08سالہ ہریرا، 05سالہ عبدالہادی‘ 02سالہ حورین بتائے گئے ہیں۔ ایس ایچ او وحدت کالونی کے مطابق واقعہ شارٹ سرکٹ کے باعث پیش آیا۔ مزید تحقیقات کر رہے ہیں۔ پولیس نے گھر کو سیل کرتے ہوئے غیر متعلقہ افراد کا داخلہ بند کر دیا ہے۔