لاہور(سپورٹس ڈیسک )آئرلینڈ نے ویسٹ انڈیز کو تین میچوں کی سیریز کے دوسرے ون ڈے میچ میں ڈک ورتھ لوئس سسٹم کے تحت 5وکٹوں سے شکست دے کر سیریز ایک ایک سے برابرکر دی ۔ ویسٹ انڈیزٹیم پہلے کھیلتے ہوئے 229رنز پر ڈھیر ہو گئی ۔ ٹیلنڈرز نے ٹیم کو سنبھالا دیا تاہم شکست سے نہ بچاسکے ۔ 143رنز پر 8گرنے کے بعد روماریو شیفرڈ نے 50اور اوڈین سمتھ نے 46رنز بنائے ۔ اینڈی مکبرائن نے چار اور کریگ ینگ نے تین کھلاڑیوں کو آئوٹ کیا ۔ آئرلینڈ نے23.3اوورز میں پانچ وکٹوں پر 168رنز بنائے تھے کہ بارش شروع ہو گئی ۔ ہیری ٹیکٹر 54رنز پر ناقابل شکست تھے ۔ اینڈی میکبرائن کو میچ کا بہترین کھلاڑی قرار دیا گیا ۔