کلرسیداں(نامہ نگار)چودہ سالہ ملازمت پیشہ دوشیزہ سے زیادتی کے الزام میں مقدمہ درج ملزم گرفتار اور پھر رات گئی بات گئی اگلے روز معاملہ غلط فہمی قرار پا کر اپنے انجام کو پہنچ گیا اور گرفتار شخص کو رھائی مل گئی،دوبیرن کلاں کی رہائشی خاتون نے کلرسیداں پولیس کو درخواست دی کہ اس کا خاوند بیرون ملک کام کرتا ہے اور وہ محلہ غوثیہ کلرسیداں میں کرائے کے مکان میں قیام پزیر ہے اس کی چودہ پندرہ سالہ بیٹی (ک) ایک کمپنی میں ملازمت کرتی ہے وہ کام ختم کرکے واپس گھر آ رہی تھی کہ راستے میں محسن وقارحسین نے اس کا راستہ روک کر اسے زیادتی کا نشانہ بنانے کی کوشش کی اس موقع پر کچھ لوگوں نے مداخلت کرکے اس کی بچی کو بچایا درخواست کے فوری بعد کلرسیداں پولیس نے نہ صرف مقدمہ درج کرلیا بلکہ ملزم کو بھی گرفتار کر لیا رات گزرنے کے اگلے روز فریقین میں صلح ہو گئی جس کے نتیجے میں گرفتار شخص کی رھائی ممکن ہوئی ۔