قصور: پولیس کی کارروائی‘ سلیمان عرف سلیمانی ڈکیت گینگ کے 2 ارکان گرفتار

قصور (نمائندہ نوائے وقت)ڈی پی اوقصور صہیب اشرف کی ہدایات پر پولیس کی چوروں،ڈاکوؤں کے خلاف کارروائیاں جاری، ڈکیتی اور راہزنی کی درجن سے زائد وارداتوں میں ملوث خطرناک ڈکیت گینگ کے سرغنہ سلیمان عرف سلیمانی گینگ کے 2 ارکان کو گرفتار کرلیا، ملزموں کے قبضہ سے لوٹا گیا لاکھوں روپے مالیت کا مال مسروقہ اور جدید ناجائز اسلحہ برآمد کرلیا گیا، مزید تفتیش جاری ہے۔تفصیلات کے مطابق تھانہ صدر پھولنگرپولیس نے ایس ایچ اوانسپکٹر محمدشمشیرکی سربراہی میں کارروائی کرتے ہوئے سلیمان عرف سلیمانی ڈکیت گینگ کے 2 ارکان کو گرفتار کرکے ملزموں کے قبضہ سے لوٹی گئی رقم 3 لاکھ روپے ، 7 موٹرسائیکل، 6 موبائل فون اور ناجائز اسلحہ3 ‘ 30بور پسٹل معہ گولیاں برآمد کرلی گئیں۔ آر پی او شیخوپورہ مرزا فاران بیگ نے ایس ایچ او محمد شمشیر اور پولیس ٹیم کوبہترین کارکردگی پر شاباش دی۔