ٹوبہ ٹیک سنگھ (نمائندہ خصوصی)چیئرمین ایڈوائزی کمیٹی اولڈ ایچ ہوم ،ولی جی ویلفیئر فاونڈیشن کے صدر اور سوشل ورکر زعیم اشرف نے کہا کہ دیوارِ احساس کا قیام شاندار اقدام ہے، انہوں نے کہا کہ غریب نادار بے سہارا لوگوں کی مدد سے ہی اللہ اور اس کے رسول کی خوشنود ی حاصل کی جاسکتی ہے ، مخیر حضرات دیوارِ احساس پر مستحق افراد کے لیے اشیا ئے ضروریہ چھوڑ جائیں،نیکی کے اس کام میں حکومت کے ساتھ ساتھ صاحبِ ثروت افراد ضرور حصہ لیں،ڈپٹی ڈائریکٹر سوشل ویلفیئر رائے عبدالشکور اورڈسٹرکٹ سوشل ویلفیئر آفیسر عبدالمطلب نے کہا ہے کہ عوام میں شعور پیدا کیا جائے کہ وہ گھر میں پڑی فالتو اشیا ء جس میں کپڑے جوتے کمبل جرسیں کوٹ وغیرہ دیوار احساس میں جمع کروائیں اور وہاں سے مستحق افراد اپنے مرضی سے جو چیز لینا چاہیں وہ وہاں سے اٹھا لیں، اس کی کوئی قیمت نہ ہوگی اس کے علاوہ گھی چینی دالیں چاول بھی رکھنا چاہیں تو رکھ سکتے ہیں۔