میپکو کے5 سینئر انجینئرز کی گریڈ  19 اور 8لوئرڈویژنل کلرکوں کو جونیئر سٹور کیپرز کے عہدے پر ترقی 

ملتان (نیوز رپورٹر)ملتان الیکٹرک پاورکمپنی (میپکو) انتظامیہ نے اپ گریڈیشن بورڈ کی سفارشات پر5سینئر انجینئرز/ایگزیکٹو انجینئرز کو بنیادی سکیل 19میں اپ گریڈ کردیاہے۔ انجینئر ملک جاوید اقبال وینس،عبدالرؤف سنگھیڑا،خالد حسین سیال، محمود الحسن عباسی اور شہزاد حبیب گِل کو سکیل 19 میں اپ گریڈ کیاگیاہے۔ دریں اثناء ملتان الیکٹرک پاورکمپنی (میپکو)انتظامیہ نے پروموشن بورڈ کی منظوری سے شعبہ سٹور کے 8لوئرڈویژنل کلرکوں کو جونیئر سٹور کیپرز کے عہدے پر ترقی دیدی ہے۔ اسسٹنٹ ڈائریکٹر ایڈمن میپکو ہیڈ کوارٹر محمد ایوب کے مطابق ترقی پانے والے لوئرڈویژنل کلرکوں میں راشد حسین، محمدا صغر، محمد عدنان اورزبیر قمر ، محمد وقاص غفور ، فہیم عباس ، شہزاد حسن  اور واصم ارشادشامل ہیں۔