ذوالفقار علی بدر کا حلقہ این اے 127 کے چرچ کادورہ،جیت کیلئے دعائیں 

لاہور(نامہ نگار) پاکستان پیپلزپارٹی کے ایڈیشنل سیکرٹری جنرل ذوالفقار علی بدر نے  چیئرمین بلاول بھٹو زرداری کے حلقہ این اے 127 میں ایف جی اے چرچ اورچرچ آف پینتیکوست کا دورہ کیا۔اس موقع پر نپولین قیوم، ایڈون سہوترا، عاصم عدنان، ہارون سلیمان کھوکھر، عثمان اعوان اور ریاض انجم بھی انکے ہمراہ تھے۔مزکورہ چرچز میں آمد پر ڈاکٹر لیاقت قیصر،پاسٹر مورس، ریورنڈ ڈاکٹر جمیل ناصر اور فرحان ایرک نے معزز مہمان کا استقبال کیا جہاں چیئرمین بلاول بھٹو زرداری کی درازی عمر اور این اے 127سے جیت کے لیے خصوص دعا ئیں کروائی گئیں۔انچارج انتخابی مہم این اے127 ذوالفقار علی بدر نے کہا ہے کہ کل جو کہتے تھے کہ کیا ہم غلام ہیں آج وہ سب آزاد ہیں جائیں سب آزاد الیکشن لڑیں۔ ہمارے امیدواران نے ٹکٹس جمع کروا دی ہیں لیکن کچھ امیدواران کو تیر کا نشان الاٹ نہیں کیا گیا۔وہ پی پی 161کے پیکو روڈ پر انتخابی دفتر میں ورکرز کنونشن سے خطاب کر رہے تھے۔کنونشن سے فیصل میر،پاڈٹر ولیم نے بھی خطاب کیا۔