لاہور(سپورٹس رپورٹر)پی سی بی کے زیر اہتمام قومی خواتین ٹی 20 کرکٹ ٹورنامنٹ آج15جنوری سے شروع ہو گا ، ٹورنامنٹ میں چھ ریجنل ٹیمیں حصہ لیں گی جن میں راولپنڈی ، کراچی ، لاہور ، ملتان ، پشاور اور کوئٹہ شامل ہیں ،سترہ روزہ ایونٹ میں ہر ٹیم دس میچ کھیلے گی اور ٹاپ دو ٹیموں کے مابین فیصلہ کن معرکہ 31جنوری کو ہو گا۔ ڈبل رائونڈ رابن میچز ایوب پارک گرانڈ راولپنڈی ، شعیب اختر سٹیڈیم اور ڈائمنڈ کرکٹ گرانڈ میں ہوں گے، ٹورنامنٹ کی فاتح ٹیم کو10لاکھ جبکہ رنرز اپ کو 5 لاکھ روپے انعامی رقم دی جائیگی، پلیئر آف دی میچ کو بیس ہزار، پلیئر آف دی ٹورنامنٹ کو 50ہزار جبکہ ٹورنامنٹ کی بہترین بیٹر، بہترین بائولر اور بہترین وکٹ کیپر کو 25 ہزار روپے ملیں گے،قومی ویمنز ٹی 20 ٹورنامنٹ کھلاڑیوں کیلئے قومی ٹیم میں شمولیت کیلئے بہترین موقع فراہم کریگا۔