لاہور(سپورٹس رپورٹر ) آسٹریلوی کرکٹر شان مارش نے پروفیشنل کرکٹ سے ریٹائرمنٹ کا اعلان کر دیا۔ آسٹریلوی کرکٹر شان مارش نے بگ بیش لیگ کے رواں سیزن کے دوران پروفیشنل کرکٹ سے ریٹائر ہونے کا اعلان کیا ہے اور انہوں نے سڈنی تھنڈر کیخلاف ہونے والا میچ کیریئر کا آخری میچ قرار دیا ہے۔ ریٹائرمنٹ سے متعلق کہا کہ مجھے بی بی ایل میں رینیگیڈز کیلئے کھیلنا پسند ہے اور میں گزشتہ پانچ برسوں میں کچھ عظیم لوگوں سے ملا جن کیساتھ میں نے دوستی کی ہے جو کہ زندگی بھر قائم رہے گی، وہ سب میرے لئے حیرت انگیز رہے ہیں۔