لاہور(سپورٹس رپورٹر)نیوزی لینڈ کیخلاف دوسرے ٹی20 میچ میں نائب کپتان محمد رضوان نے انوکھا کارنامہ سرانجام دیدیا۔ محمد رضوان نے محمد حفیظ اور شاہد آفریدی کو پیچھے چھوڑتے ہوئے ٹی20 فارمیٹ میں پاکستان کی نمائندگی کرتے ہوئے سب سے زیادہ 77 چھکے لگانے کا اعزاز حاصل کرلیا۔ پاکستان کیلئے ٹی ٹونٹی فارمیٹ میں سب سے زیادہ چھکے لگانے والے ٹاپ 5 کھلاڑیوں میں محمد حفیظ 76 چھکوں کیساتھ دوسرے، شاہد آفریدی 73 چھکوں کیساتھ تیسرے، شعیب ملک 69 چھکوں کیساتھ چوتھے جبکہ عمر اکمل 55 چھکوں کیساتھ پانچویں نمبر پر موجود ہیں۔