تعلیمات نبوی کی اشاعت سے معاشرتی زندگی میں انقلاب برپا ہوگا:مولانا محمد اکبر نقشبندی 

گوجرانوالہ(نمائندہ خصوصی)سنی اتحاد کونسل کے صوبائی سیکرٹری اطلاعات الحاج مولانا محمد اکبر نقشبندی نے مرکزی جامع مسجد نور میں جمعہ کے اجتماع سے خطاب کرتے ہوئے کہا ہے کہ زبان کی آفت کے باعث انسان اپنے اعمال تباہ و برباد کرتا ہے،گناہ گار کی عاجزی متکبر کی عبادت سے بہتر ہے، تعلیمات نبوی کی ترویج و اشاعت سے معاشرتی زندگی میں انقلاب برپا ہوگا،انہوں نے کہا کہ عزت و حرمت والے چار مہینوں میں قمری سال کا ساتواں مہینہ رجب المرجب ہے،سرور کائنات ؐکا ارشاد مبارک ہے کہ رجب خدا کا مہینہ،شعبان میرا اور رمضان میری امت کا مہینہ ہے،رجب بیج بونے کا شعبان پانی دینے کا اور رمضان فصل کاٹنے کا مہینہ ہے۔