ترجمان پی ٹی آئی شعیب کا کہنا ہے کہ جلد عوام لندن پلان کا پوسٹ مارٹم کرے گی ،اوکاڑہ کی عوام نے کرپشن کی رانی کو مسترد کر دیا ۔مریم نواز کے اوکاڑہ میں جلسے پر ردعمل دیتے ہوئے ان کاکہنا تھا کہ سکول ،کالج ،یونیورسٹیز بند کروا کر بھی کامیابی ان کی مقدر میں نہیں آنی،پوری قوم کو پتہ ہے ہمیں لیول پلیئنگ فیلڈ نہیں مل رہی ،عوام جانتے ہیں انتقام کی آگ میں یہ خود جلیں گے ۔
ان کا مزید کہنا تھا کہ دوسروں کو دہشتگرد کہنے والی ن لیگ کے ہاتھوں پرسانحہ ماڈل ٹاوٴن ،سانحہ گوجرانوالہ ،سانحہ قصور کا خون ہے،عوام جان چکی ہے کہ عمران خان ایک سچا اور دلیر لیڈر ہے ،جلد حق اور سچ کی جیت ہوگی اور ہم اکثریت سے حکومت بنائیں گے۔