پنجاب کے میدانی علاقے شدید دھند کی لپیٹ میں آگئے ہیں جس کی وجہ سے موٹر ویز کو مختلف مقامات سے بند کردیا گیا ہے۔ ترجمان موٹر ویز کے مطابق حد نگاہ میں کمی کے باعث سر شام ہی لاہور ملتان موٹروے ایم تھری کو فیض پور سے درخانہ تک بند کر دیا گیا، شدید دھند کے باعث موٹروے ایم 3 کو عبدالحکیم سے لاہور تک بند کر دیا گیا، ایم 5 کو شیرشاہ انٹر چینج سے روہڑی تک بند کیا گیا ہے ،موٹروے ایم 4 کو عبدالحکیم انٹرچینج سے پنڈی بھٹیاں تک ٹریفک کیلئے بند کیا گیا، شہری غیر ضروری سفر سے گریز کریں،شہری ہیلپ لائن 130 پر رابطہ کر سکتے ہیں۔