جادوئی کمالات اور ایکشن سے بھرپور فلم دی ڈیتھلی ہالوز پارٹ ٹو ہیری پورٹر سیریز کی آخری فلم ہے۔ یہ فلم آج امریکہ کے سینما گھروں میں نمائش کے لیے پیش کی جارہی ہے۔ دوسری جانب برطانیہ میں ہیری پورٹر سیریز کی آخری فلم دی ڈیتھلی ہالوز پارٹ ٹوریلیز کردی گئی ہے جسے دیکھنے کے لئےدنیا بھر سے سیکڑوں مداح لندن میں جمع ہوئے۔ مداحوں نے فلم دیکھنے کے لیے ایک ماہ قبل ٹکٹ خرید لیے تھے۔ شائقین کا کہنا ہے کہ فلم کی سات اقساط میں ہیری پورٹر اپنے دشمنوں سے مقابلہ کرتے ہوئے دکھایا گیا ہے، تاہم اب آخری قسط میں پتہ چلے گا کہ دشمنوں کے ہاتھوں ہیری پورٹر مارا جاتا ہے یا کامیابی سے ہمکنار ہوتا ہے۔ برطانیہ اور امریکہ کے بعد برازیل میں بھی فلم کے پریمئیر کی رنگا رنگ تقریب ہوئی، جس میں فلمی ستاروں اور مداحوں نے شرکت کی۔