جادوئی کمالات اورایکشن سے بھرپور فلم دی ڈیتھلی ہالوز پارٹ ٹو ہیری پورٹرسیریزکی آخری فلم ہے، جسے آج امریکہ کے سینما گھروں میں نمائش کے لیے پیش کیاگیا۔ فلم کی اتنی دھوم ہے کہ شائقین ٹکٹ حاصل کرنے کے لئے بارہ بارہ گھنٹے قطاروں میں کھڑے رہے۔ فلم کے بہت سے چاہنے والوں نے فلم کے مرکزی کرداروں کے لباس بھی پہن رکھے تھے۔ فلم میں ہیری پورٹر کا کردار اداکار ڈینیئل ریڈ کلف نے ادا کیا ہے اور فلم کی مرکزی اداکارہ ایماواٹسن ہیں جبکہ فلم کی مصنفہ جے کے رولنگ ہیں۔ واضح رہے کہ ہیری پورٹرسیریزکی فلم اب تک ساڑھے چھ ارب ڈالر سے زائد کا بزنس کرچکی ہے تاہم اب تک سب سے زیادہ کمائی کا ریکارڈ اس سیریز کی پہلی فلم کے حصہ میں آیا تھا۔ اب دیکھنا یہ ہے کہ ہیری پورٹر کی آخری فلم ڈیتھلی ہالوز ٹو کتنا بزنس کرتی ہے اور کیا یہ سیریز کی پہلی فلم کا ریکارڈ توڑ پاتی ہےیا نہیں۔